影片
更多
2022-04-07
47 浏览
同朋友入左天水围买啲野，顺路黎左天一商场，无黎一阵好多舖头都唔同左，兜个圈睇下有咩食先，最后拣左转角位间越南野，叫榆越Viesta，有卡位坐几濶落，感觉唔错。午餐好抵食㖞，跟餐饮品好多得拣，本来谂住叫一份午餐再加法包，发觉散点同午餐一样钱，哈哈，贪心要多杯野饮先。先来份小食蒜蓉牛油鸡翼，朋友话佢想食香口野而叫嘅，鸡翼一份有五只，炸得好香脆，重蒜味又重牛油味，好食㖞。跟住就系朋友个A餐混牛汤粉，拣左要生牛肉并牛丸，份量都几多，满满一碗粉，牛肉数片，牛丸三粒。先试试汤底，餐牌话系佢地招牌牛汤㖞，哗哗，果然无失望，汤底极鲜甜，味道浓郁唔油腻，仲够晒热添。拣左要金边粉，吸饱汤汁超正，好味到饮晒全碗呀。自己就拣左要个E餐咖哩牛腩饭，个名虽然好港式，但佢系越南咖哩黎㖞。碟饭个卖相摆得几靓，唔系茶记咁样㗎，哈哈。咖哩汁都几重椰香，开头食都唔觉，食食下辣劲出黎，唔系话好辣，但微微辣下又几刺激，越食越惹味㖞。牛腩就无乜特别，炆得未系好多淋身，相反配料有惊喜㖞，居然系蕃薯同红萝卜，咖哩蕃薯第一次，意外地甜甜地又几夹，食下食下仲觉得好好味添，饭同汁食到一滴都无净，正。仲叫左个D餐烧猪颈肉越式法包，包身烘得香
午餐好抵食㖞，跟餐饮品好多得拣，本来谂住叫一份午餐再加法包，发觉散点同午餐一样钱，哈哈，贪心要多杯野饮先。
先来份小食蒜蓉牛油鸡翼，朋友话佢想食香口野而叫嘅，鸡翼一份有五只，炸得好香脆，重蒜味又重牛油味，好食㖞。
跟住就系朋友个A餐混牛汤粉，拣左要生牛肉并牛丸，份量都几多，满满一碗粉，牛肉数片，牛丸三粒。先试试汤底，餐牌话系佢地招牌牛汤㖞，哗哗，果然无失望，汤底极鲜甜，味道浓郁唔油腻，仲够晒热添。拣左要金边粉，吸饱汤汁超正，好味到饮晒全碗呀。
自己就拣左要个E餐咖哩牛腩饭，个名虽然好港式，但佢系越南咖哩黎㖞。碟饭个卖相摆得几靓，唔系茶记咁样㗎，哈哈。咖哩汁都几重椰香，开头食都唔觉，食食下辣劲出黎，唔系话好辣，但微微辣下又几刺激，越食越惹味㖞。牛腩就无乜特别，炆得未系好多淋身，相反配料有惊喜㖞，居然系蕃薯同红萝卜，咖哩蕃薯第一次，意外地甜甜地又几夹，食下食下仲觉得好好味添，饭同汁食到一滴都无净，正。
仲叫左个D餐烧猪颈肉越式法包，包身烘得香脆，猪颈肉肥美有咬口，里边加了青瓜、蕃茄、芫茜等去腻，酱汁有沙律酱、辣酱同大大片牛油，味道丰富有层次，又系好好味呀～
餐饮叫了冷泡茉香绿茶，冻美禄咖啡同椰汁红豆冰，虽然冻饮黎计唔系好大杯，但跟餐餐饮居然有特饮，即刻觉得好抵。茉莉绿茶清香，美禄咖啡香甜，红豆冰啲红豆煮得软腍不过甜，仲好重椰香，三杯都好饮。
食得好饱呀，样样都好味好满足，小店仲唔使加一添㖞，抵食！张贴
