睿和牛燒肉 (已結業)

大坑向来好多美食，今日好想食日本野，经过二话不说就入去左。餐厅主打食烧肉，不过餐牌其实都有好多选择。小吃方面有枝豆 $20，佢系用用酱油代替盐，第一次试，几有新鲜感，有D甜味，但又唔会太咸。冻日本蕃茄配柚子汁 $68新鲜蕃茄好大粒又清甜，配左柚子汁酸甜，好开胃。牛既酱料包括有海盐混黑胡淑, 面豉酱, 及烧肉酱汁, 店员话全部都系师父亲自调教的份量。主角黎喇，好有惊喜，成个盘都系牛，仲要件件肉好厚，而且颜色粉嫩好吸引！成盘有5个部位，A5牛三角，西冷，牛舌，牛肋骨，牛顶盖。而最爱的厚切牛舌有六大件， 侍应哥哥又好好人，间中都会落手烧下，佢亦都控制得不错，烧到出面脆脆地，每件牛都好软又好JUICY，油脂丰富，口感好嫩。牛既油脂烤过之后转放入口好香。成个拼盘仲有蔬菜烧下，可以食下肉又有食下菜，感觉冇咁饱滞，同无咁济，感觉上健康些小。