富豪酒家

营业中

休息中

带住条鱼🐠揾食之尖沙咀The one 名贵中菜阿翁鲍鱼连续13年获得米芝莲一星餐厅《富豪酒家》商务套餐$780有>例汤>4款小菜>糖水先黎个〈荷芹炒腊味〉，啲荷兰豆保持咗豆嘅脆嫩口感，清甜爽口，荷芹炒腊味嘅酱汁用得啱啱好，唔会太咸太油，令腊味嘅咸香同荷兰豆嘅清新都能够充分发挥。之后有〈花生炆猪手〉，啲花生炆得入味，真系食唔停口，而啲猪手冇腥味肉质鲜嫩，完全无啲起筋嘅胶感，入口即化，炆猪手嘅酱汁浓郁，入边香料嘅香气混合炆煮出嚟，令啲猪手都充分吸收咗啲味道。〈大芥菜猪骨煲〉啲猪骨煮得入味浓郁，充满猪骨本身嘅鲜甜，每一啖都带有浓郁嘅肉香。汤底里嘅大芥菜为整个汤品增添清新口感，令汤味道更加丰富，呈现出一种浓郁而不油腻嘅滋味。最后有〈富豪炸子鸡〉，啲鸡皮炸得金黄酥脆，一啖落去即时爆汁，每一啖都充满著鸡肉的鲜嫩，炸子鸡嘅调味恰到好处，鸡肉的大小都啱啱好，入口方便，不会太大旧。