Ciclo

营业中

休息中

今日约咗朋友食饭，佢喺铜锣湾放工，咁佢就拣咗好多餐厅，而我就喺入面拣咗呢间装修同环境都好似好靓嘅餐厅。一嚟到，果然比我想像中靓，黑色嘅装修配上灯光，好适合打卡，而且气氛好好。我认为呢间餐厅最特别嘅系，入面九成都系女性客人，可能系因为环境靓，而且适合坐喺度倾偈啦。我最欣赏嘅就系呢个前菜嘅带子，佢嘅卖相好靓，而且带子食落好新鲜，配落佢酸酸地嘅酱汁同埋辣辣地嘅青椒，越食越开胃啊。主菜方面，我认为呢个鸡卷好出色。佢食落有啲似台湾夜市嘅鸡腿卷，但系配上西式嘅酱汁，感觉好清新同埋特别。佢嘅鸡腿卷食落外脆内嫩，虽然我唔特别钟意食芝士，但系佢嘅芝士味唔系好浓，食落清新，但系唔会好滞。我哋另外一个主菜就叫咗呢个烧牛肉，佢食落牛尾好重，配上唔系太浓烈嘅酱汁，感觉好特别。而我朋友就觉得佢似牛版嘅叉烧，因为食落个边脆入面嫩，但系佢都觉得牛味好重，会为咗呢个主菜，下次都再嚟。我哋食嘅时候，见到有其他人都好开心咁饮紧酒，呢间餐厅又有嘢食又有酒饮，唔怪得咁多人嚟啦。而且佢嘅音乐听落好舒服，啱晒一大班朋友倾偈，或者两个嚟拍拖。呢间餐厅又靓又舒服，下次都一定会再嚟啊。