月．火鳳燒鳥 (已結業)

不容错过嘅一间居酒屋，服务超好，会耐心介绍食物，前菜系一道花生秋葵，秋葵爽口开胃。跟住就上鱼生，摆设精美，令人提升食欲，鱼生非常新鲜，拖罗外烧过少少，依然入口即溶嘅感觉，正！油金鱼新鲜好咪，一啲都唔会有腥味。酱油田螺新鲜大粒爽口又入味。店员服务细心照顾，会准备一只碗放螺壳。烧甜紫薯好好味，够晒甜，唔会烧得好浓。第一次知道有鸡尾呢样野，原来甘好食，望落会似鸡软骨，食落系外脆内软，唔会觉得肥腻。猪肾烧得岩岩好，大粒又好爽口，加埋佢地特别嘅味粉愈食愈开胃。烧鱼烧得好好食，有两款汁可以点，一款比较咸啲，另一款较为淡啲但重啲柚子味，好清新。饭团真系无得顶，有樱花虾、芝麻、蛋碎，食落好似饭素味，一啲都唔会觉得干。最后甜品系蕨饼，好精致，唔会太甜，清下个口，非常好食。仲叫左杯酒，店员话呢只酒配白肉鱼生最岩，饮落都易入口，带有果味，愈饮愈好饮。