影片
更多
2021-12-19
1976 浏览
之前已听朋友讲话呢间怀旧feel嘅餐厅嘅食物好好味，咁啱我家附近有㖞，今晚就同我的他嚟试吓啦🥰好彩之前已订座，餐厅非常爆满，而且都好多人买外卖👍睇餐牌，哗！好多款小菜！全部都想试😱不过得2个人，所以叫咗几款就够🤭地道港式煎蚝饼（西环分店限定）$78。呢碟上到枱，金黄色外表好靓呀！一睇就知系新鲜油炸（唔系用万年油）👍一啖咬落去，好酥脆！完全无「1 pat粉浆」嘅感觉🥰而且好多蚝仔，啲蚝仔好大粒、好白好滑、好新鲜，仲完全无沙，出色👏👏👏豉椒鹅肠$95。好大碟！（开始感觉好似点得太多款小菜😅）鹅肠超级爽口😍脆脆的又唔会好韧，而且豉汁唔会过多，平均咁分配喺每一条鹅肠度，个汁好惹味，但唔会抢哂鹅肠本身嘅味道，呢款又系好出色😻枝竹火腩豆腐煲$80。其实我都好「麻甩」，加上我的他，点返个「男人的浪漫」啦🤣煲仔热辣辣，豆腐内里好滑，烧腩味道好好，咸度适中，估唔到咁简单嘅菜式都咁好味☺️酥炸黑松露芝心手工乒乓球牛丸$95。呢款虽然唔系怀旧，但我钟意食芝士，所以都想试吓🤣酥炸后嘅牛丸外面脆脆，内里有香浓嘅黑松露味，同芝士味匹配，味道又唔会互相抢夺，正😈生炒糯米饭（碗）$38。点咗咁多款菜式，全部都好啱送饭，
好彩之前已订座，餐厅非常爆满，而且都好多人买外卖👍
睇餐牌，哗！好多款小菜！全部都想试😱不过得2个人，所以叫咗几款就够🤭
地道港式煎蚝饼（西环分店限定）$78。呢碟上到枱，金黄色外表好靓呀！一睇就知系新鲜油炸（唔系用万年油）👍一啖咬落去，好酥脆！完全无「1 pat粉浆」嘅感觉🥰而且好多蚝仔，啲蚝仔好大粒、好白好滑、好新鲜，仲完全无沙，出色👏👏👏
豉椒鹅肠$95。好大碟！（开始感觉好似点得太多款小菜😅）鹅肠超级爽口😍脆脆的又唔会好韧，而且豉汁唔会过多，平均咁分配喺每一条鹅肠度，个汁好惹味，但唔会抢哂鹅肠本身嘅味道，呢款又系好出色😻
枝竹火腩豆腐煲$80。其实我都好「麻甩」，加上我的他，点返个「男人的浪漫」啦🤣煲仔热辣辣，豆腐内里好滑，烧腩味道好好，咸度适中，估唔到咁简单嘅菜式都咁好味☺️
酥炸黑松露芝心手工乒乓球牛丸$95。呢款虽然唔系怀旧，但我钟意食芝士，所以都想试吓🤣酥炸后嘅牛丸外面脆脆，内里有香浓嘅黑松露味，同芝士味匹配，味道又唔会互相抢夺，正😈
生炒糯米饭（碗）$38。点咗咁多款菜式，全部都好啱送饭，但又唔想食白饭咁闷，就点咗我俩都好钟意嘅糯米饭啦😆其实碗上，一啲都唔细碗，入面有好多腊味，黏黏的又香又惹味😜好彩无点1碟太多，1碗真系啱啱好🤣🤣
其实今次真系点得太多，全因为眼阔肚窄😅但可以试多几款都好开心😃
张贴
