嵐橋日本料理

营业中

休息中

今晚喺尖沙咀行街，谂起朋友话尖沙咀棉登径有间唔错食日本野嘅餐厅，所以决定去试吓。门口装修得好靓，好有日本风味。原来餐厅有3层，店员带咗我地坐吧枱，喺吧枱嘅鱼生雪柜，见到d刺身劲新鲜，睇住师傅即整寿司刺身，另有一番风味。三文鱼腩，黑鯥，拖罗刺身，3款刺身都好肥美，仲要劲厚切，黑鯥刺身，师傅将d皮烧一烧，令到d鱼皮非常香口，三文鱼腩＆拖罗食落口d鱼油爆出黎，超肥美。金目鲷寿司，真鲷寿司，2款寿司嘅寿司饭d色系啡啡地，系有味饭，唔同普通寿司醋饭，金目鲷＆真鲷食落爽口，好鲜，唔错。串烧厚牛舌，因为厚切关系，食落好有口感，仲好爽口。烧萨摩赤鸡腿肉，劲多千岛酱喺鸡腿肉上面一齐烧，好惹味，鸡肉都仲好嫩滑。烧萨摩赤鸡肾，切到细细好易入口，上面加咗7味粉，辣辣地，加上非常爽口嘅鸡肾，好夹。煎冲绳豚肉饺子，饺子煎到好甘香，脆卜卜，饺子入面d肉都好juice,配埋有少少辣辣地嘅饺子汁，好好食。鲷鱼汤锅烧乌东，d鱼肉份量都几多，鱼肉好滑，好鲜味，个乌东汤底系奶白色，系用鱼煲成，个汤好重鱼味，加上吸味嘅乌东，食落条条乌东都有鱼味，劲好食。