Donkey & Sheep (已結業)

放工好肚饿！上到嚟坐低后等朋友之际叫咗个前菜浪下肚先［他他牛配法式多士及温泉蛋，$138］敢食生牛肉嘅人一定要试呢个！将他他牛同温泉蛋放喺多士上面，咬落去，口感又软又脆、味道又鲜甜又微辣等到朋友终于开完会赶到过嚟，我地再叫多咗一个小食同两个main。［鸡翼三重奏（6只），$78］我本身钟意食水牛鸡翼，所以原本谂住六只都系水牛鸡翼就好喇，但食完就觉得好彩三只都试哂啫！其实佢系六只炸鸡翼，搽上水牛酱、honey mustard、烧烤酱三种酱。炸鸡翼好脆，唔油腻；水牛酱微辣、honey mustard甜而不漏、烧烤味有烟熏味，全部都好味［冬荫功原只虎虾扁意粉，$178］一上菜，我个反应系：好大只虾呀！我好钟意呢个意粉。虽然唔系话正宗冬荫功汤味，但系佢好香嘅香茅味令我觉得食几多都唔会济。同意粉捞埋一齐嘅仲有菇同洋葱，所以每一啖嘅口感都好丰富呀！［美国顶级牛肉眼，$258］块扒大过我块pizza面呀！我哋叫五成熟，真系整咗五成熟俾我哋，值得一赞！切开仲有肉汁流出嚟，好juicy。而块扒下面垫住咗啲小薯仔，意大利黄瓜，同埋蕃茄，全部都好鲜甜。今次朋友大迟到，走𠮶时先见到原来餐厅8:30后入座有85