星味工房 海南雞專門店 (已結業)

早排见有报章推介呢间餐厅，一路都心思思想试下，今日终于都有机会啦。呢度既厨师系新加坡五星级酒店做过大厨，听到都觉得地道啦。坐低第一时间叫呢度既招牌菜星洲鸡饭，即系新加坡口味既海南鸡饭，65蚊有汤有鸡有饭有酱，个饭用鸡汤连埋蒜、香茅一齐煮既，食落好香口，而饭就煮到软身。鸡就用佢地主打既慢煮手法，老板同我地讲系日日新鲜慢煮五十分钟而成既，好鲜甜嫩口。而个汤仲用鲜鸡熬出黎既，就咁都见到d鸡，唔重味精。麦皮香蕉，系煮熟既蕉面加上麦皮、七味粉，食落口感丰富，而味道多层次。以麦皮中和香蕉煮熟后倾泻而出既甜味，再加上七味粉既香辣味，食过返寻味！咸柠七，最重要既咸味好够出，沟埋七喜都唔会被盖过，饮落已经觉得养生。