胡爐 (已結業)

今日终于试咗想试好耐嘅胡炉。呢排天气冻咗好多，所以叫咗呢个胡椒猪肚花胶鸡汤做火锅汤底暖下个身。个汤好足料，用咗好多花胶同鸡去熬制，胡椒味辣而不呛，未食之前都先饮一碗。由于唔系非常肚饿，所以冇叫到好多𩠌。如个你都钟意食饺，个人极力推荐呢个XO鲍鱼虾饺王。入面啖啖弹牙虾肉同埋鲍鱼，好鲜甜爽口，但又唔会比XO酱嘅味道盖过。肉方面由于我想试唔同部位，所以就叫咗呢个胡炉牛拼盘，入面有齐牛舌，安格斯肥牛片，牛颈脊，牛胸肉同霜降牛粒。油脂分布均匀唔会太腻，入口即溶。另外叫咗美国桶蚝，d蚝超大只，每一只都好肥美新鲜，好满足。炸鱼皮好松脆，薯粉虽然系幼身但好弹牙。最后叫咗一jar 竹蔗茅根配今次嘅火锅，清热又解喝。正！