影片
更多
2020-02-27
134 浏览
今晚同朋友第一次到呢间餐厅，觉得装修好新，座位阔落，环境唔错。打开餐牌，原来唔系只有点心，仲有饭面小炒炖汤煲仔饭火锅 .... 款式好多啊！我哋总共叫咗四个点心同一个煲仔饭：蜜汁叉烧肠粉，金黄鲜肉窝贴，姜葱牛柏叶，晶莹海虾饺，鸳鸯肠蛋黄煲仔饭 。比起普通酒楼，呢度嘅点心绝对系高水准 - 叉烧肠粉粉皮唔厚好滑，蜜汁叉烧唔肥好食；鲜肉窝贴煎得好靓，底部微微金黄，肉馅新鲜，呢个窝贴系我至爱；姜葱牛柏叶同晶莹海虾饺同样出色，半透明嘅虾饺皮够薄够软，海虾爽口弹牙兼有肉汁，好正！鸳鸯肠蛋黄煲仔饭，腊肠润肠加咸蛋黄，冇用腊肉咁肥腻，一打开煲盖，香味扑鼻而来，落埋豉油捞一捞更香到不得了，我哋连饭焦都食埋，呢个煲仔饭系跟一碟菜心上的，份量足二人食。总括食物质素好，员工服务殷勤，环境佳，不失为一个亲友聚脚饭局好地方。
我哋总共叫咗四个点心同一个煲仔饭：
蜜汁叉烧肠粉，金黄鲜肉窝贴，姜葱牛柏叶，晶莹海虾饺，鸳鸯肠蛋黄煲仔饭 。
比起普通酒楼，呢度嘅点心绝对系高水准 - 叉烧肠粉粉皮唔厚好滑，蜜汁叉烧唔肥好食；鲜肉窝贴煎得好靓，底部微微金黄，肉馅新鲜，呢个窝贴系我至爱；姜葱牛柏叶同晶莹海虾饺同样出色，半透明嘅虾饺皮够薄够软，海虾爽口弹牙兼有肉汁，好正！
鸳鸯肠蛋黄煲仔饭，腊肠润肠加咸蛋黄，冇用腊肉咁肥腻，一打开煲盖，香味扑鼻而来，落埋豉油捞一捞更香到不得了，我哋连饭焦都食埋，呢个煲仔饭系跟一碟菜心上的，份量足二人食。
总括食物质素好，员工服务殷勤，环境佳，不失为一个亲友聚脚饭局好地方。
张贴
