街頭火鍋

营业中

休息中

最近天寒地冻，最好一定系去打个边炉，三年疫情，食开好嘅火锅店唔系执咗就系经营困难被逼质素下降。难得响铜锣湾揾到间新嘅火锅店，有机会即刻嚟试吓。餐厅地点金利文广场，铜锣湾C出口，就脚。餐厅叫街头火锅，但装修环境企理，干净卫生。餐厅侍应招呼亲切，会为你详细介绍食物。是晚叫咗蕃茄薯仔并沙嗲汤底，蕃茄薯仔汤底好浓郁，但估都估唔到佢个沙嗲汤底好味到可以同九龙城某间火锅店比较。打边炉一般会注重牛肉，但呢间餐厅猪肉都可以俾到好多有质素嘅嘢你选择，唔食牛但又钟意打边炉嘅朋友，呢度系一个好适合你嘅选择。餐厅除咗牛同猪出色，竟然仲有新鲜鸡肠同台山蚝，强烈建议大家一定要嚟试吓。