影片
更多
2021-10-08
315 浏览
话说前排有去Staycation，佢个Package包埋个文华的下午茶，呢个机会我又点会错过呢?? 即刻安排左系Check-Out后去慢慢叹，慢慢讲是非，嘻！💋第一层，1963文华芝士饼，呢件果然系招牌货，好出色，味道好正，芝士口感好正，绝对值得一试！菠萝热情果挞，呢个就带点刺激，酸得黎几开胃，我好怕食D假菠萝，好彩呢个唔系(其实比咁的价钱好难会比假野挂XD)法式66%黑朱古力蛋糕，我唔怕食D高百份比的朱古力，反正佢几高都好，苦度都唔及得我人生的1%，唉！佢呢款蛋糕苦得黎几有层次，里面有层Cream尤其出众，3款黎讲我会推介呢款，有点惊喜。💋第二层，车打芝士火腿三文治，讲到尾即系芝腿治！冇咩特别，系D芝士好过平时食开7仔个D者，烟三文鱼刁草忌廉裸麦三文治，呢个就有D惊喜，佢成个组合都好夹，烟三文鱼虽然有点过咸，但比裸麦三文治“冲淡”返，几好。鸡蛋沙律青瓜三文治，呢个同样冇咩特别，但呢D平凡的食物有个好处，就系最安全，比较难会中伏，哈。烤牛肉辣根西洋菜三文治，呢个牛肉口感几好，唔会话鞋晒咁，系咁多款三文治中私心推荐，几好。💋第三层，传统及提子松饼配玫瑰花果酱及牛油忌廉，玫瑰花果酱及牛油忌
话说前排有去Staycation，佢个Package包埋个文华的下午茶，呢个机会我又点会错过呢?? 即刻安排左系Check-Out后去慢慢叹，慢慢讲是非，嘻！
💋第一层，1963文华芝士饼，呢件果然系招牌货，好出色，味道好正，芝士口感好正，绝对值得一试！菠萝热情果挞，呢个就带点刺激，酸得黎几开胃，我好怕食D假菠萝，好彩呢个唔系(其实比咁的价钱好难会比假野挂XD)法式66%黑朱古力蛋糕，我唔怕食D高百份比的朱古力，反正佢几高都好，苦度都唔及得我人生的1%，唉！佢呢款蛋糕苦得黎几有层次，里面有层Cream尤其出众，3款黎讲我会推介呢款，有点惊喜。
💋第二层，车打芝士火腿三文治，讲到尾即系芝腿治！冇咩特别，系D芝士好过平时食开7仔个D者，烟三文鱼刁草忌廉裸麦三文治，呢个就有D惊喜，佢成个组合都好夹，烟三文鱼虽然有点过咸，但比裸麦三文治“冲淡”返，几好。鸡蛋沙律青瓜三文治，呢个同样冇咩特别，但呢D平凡的食物有个好处，就系最安全，比较难会中伏，哈。烤牛肉辣根西洋菜三文治，呢个牛肉口感几好，唔会话鞋晒咁，系咁多款三文治中私心推荐，几好。
💋第三层，传统及提子松饼配玫瑰花果酱及牛油忌廉，玫瑰花果酱及牛油忌廉系一决定左食咩后就有侍应摆低的，而2款松饼味道相近，焗得好出色，色泽金黄而且口感松脆，结论都系高质的松饼，而我地一切就散左@@佢2款酱我就偏好玫瑰花果酱，而牛油忌廉我就略嫌佢有点“漏”冇咩点蘸佢了，而玫瑰花就觉得好特别，虽然唔太知玫瑰花系咩味，但味道都出奇地好，至少冇阵可恶的药水味，配搭2款松饼会有种画龙点睛的效果，唔错。
💋经典文华茶，佢仲有另一个名，叫做“Tea of Legend”讲到咁劲，当然要叫杯黎试下吧，虽然我唔知佢用左咩茶味，但茶味清香，以解腻的功能黎讲恰到好处，我地最后要不停咁劳烦侍应帮我地加水 @@ 幸好文华的服务水准真系一流，完全感受到5星级的服务，正！
张贴
