影片
更多
2023-10-18
95 浏览
喺筲箕湾食完晚饭，想揾个地方食甜品，喺马会斜对面见到有间糖水舖，主打近年大热芋圆~ 餐牌分门别类，有仙草传说、豆花年华、麻糬 Go Go 糕、养生系列 同 超人气鲜奶系列，选择非常丰富，一于坐低试下。拣左呢 3 款~ 豆花底配九份芋圆、红豆同椰果 ($36) 豆花柔顺细滑，入口充满豆香。芋圆烟韧度啱啱好，唔会过硬，弹性十足。红豆香甜绵密，而椰果亦爽滑有嚼劲，食落好有口感。黑糖姜母、桃胶配汤丸 ($46) 汤丸选用外形小巧嘅宁波汤丸，皮薄烟韧，一咬香浓嘅芝麻馅便即时涌出，用料十足。桃胶好似布甸一样咁顺滑，好易入口，加上黑糖姜母，食完成身暖笠笠。麻糬、鲜芋头、紫米、九份芋圆配芒果雪糕 ($48) 呢个甜品可以拣黑糖底或蔗糖底，我哋仲额外加左椰汁 (+$3) 同 朱古力雪糕 (+$10)。麻糬顺滑烟韧，食落奶味好香浓。芋头粉糯绵甜，配埋两球冰冻嘅雪糕一齐食，真系甜到入心。
喺筲箕湾食完晚饭，想揾个地方食甜品，喺马会斜对面见到有间糖水舖，主打近年大热芋圆~ 
餐牌分门别类，有仙草传说、豆花年华、麻糬 Go Go 糕、养生系列 同 超人气鲜奶系列，选择非常丰富，一于坐低试下。拣左呢 3 款~ 
豆花底配九份芋圆、红豆同椰果 ($36) 豆花柔顺细滑，入口充满豆香。芋圆烟韧度啱啱好，唔会过硬，弹性十足。红豆香甜绵密，而椰果亦爽滑有嚼劲，食落好有口感。
黑糖姜母、桃胶配汤丸 ($46) 汤丸选用外形小巧嘅宁波汤丸，皮薄烟韧，一咬香浓嘅芝麻馅便即时涌出，用料十足。桃胶好似布甸一样咁顺滑，好易入口，加上黑糖姜母，食完成身暖笠笠。
麻糬、鲜芋头、紫米、九份芋圆配芒果雪糕 ($48) 呢个甜品可以拣黑糖底或蔗糖底，我哋仲额外加左椰汁 (+$3) 同 朱古力雪糕 (+$10)。
麻糬顺滑烟韧，食落奶味好香浓。芋头粉糯绵甜，配埋两球冰冻嘅雪糕一齐食，真系甜到入心。
张贴
