OPPA韓國燒肉店

营业中

休息中

今日行旺角，经过呢间韩烧同朋友都想食就入左去了，个时7点半左右，唔太多人，反而8点就开始满座。先唔讲味道，服务已经好好，只要服务员得闲就会帮你烧埋，唔想/唔识烧都唔洗惊，当然你亦都可以选择自己烧想要既熟度。黑毛猪果然名不虚传，见到卖相已经觉得好吸引，食落觉得肥瘦适中，唔会"韧"，而且可以用生菜夹住食，唔会觉得好油腻，再加埋自己钟意既酱汁调味，可以有埋甜酸味。A4日本和牛简直无得顶！卖相100分，油花分布平均，然后煮到仲有啲粉嫩色，肉质软嫩，入口即溶，已经谂定下次要食佢个牛拼盘试埋佢其他牛。至于匈牙利鹅肝，觉得份量都算多，呢度既鹅肝比较淋身，但几香几滋味，同样有入口即溶既感觉。另外叫左忌廉沟鲜奶同韩国粒粒提子汁，提子汁入面有一粒粒啫喱咁，几有口感，甜甜地既。