名門私房菜

营业中

休息中

今日难得约到好朋友食饭，就拣咗名门私房菜，食吓正宗顺德菜，餐厅环境舒服，服务又好，好啱同朋友放工后倾吓偈。🔸冰镇鲍鱼 配烧汁芥辣酱大只嘅鲍鱼弹牙有嚼劲，加少少烧汁芥辣酱，唔错。🔸黄金虾用流沙蛋黄制成嘅炸虾，炸成金黄色，卖相好邪恶🤤虾肉爽脆，虾肉同流沙蛋黄嘅味道很夹，值得一试。🔸顺德煎酿鲮鱼新鲜鲮鱼肉打成鱼胶，再酿回鱼身煎香，鱼肉表面酥香，鱼肉爽口弹牙，又冇鱼骨，可以大啖大啖咁食。🔸杏汁猪肺汤个汤好足料，猪肺软绵绵，个汤杏汁味浓，感觉好滋润。🔸冰烧鸡有姜丝，芋头丝，青瓜丝，弹牙海蜇，烧鸡丝，入口口感层次分明 ，各种配料混合起来嘅味道又几特别，酸姜味几岀，一口一口，令人食不停。🔸姜葱蚝大大只嘅蚝炸过后外层变得微脆，再以姜蒜炒香，放入砂煲焗一焗，开盖后香气四溢，蚝肉肥美饱满，好滋味。🔸荷叶饭荷叶份量很足，饭调味得刚刚好，唔会过咸同过油，食落淡淡饭都有荷叶香气。最后再食埋碗绿豆沙，又唔会过甜，味道刚好又清热，正吖。