海膽仔

营业中

休息中

香港人最钟意食日本嘢，当然我都唔例外。今日离开新蒲岗，见到有间日本餐厅叫海胆仔，就谂起好耐已经冇食过海胆，于是就行咗入去。舖头嘅装修都好靓，而且面积都好大。其实佢虽然个名叫做海胆仔，但系其实唔止海胆，仲有好多唔同嘅菜式。我同朋友一人嗌咗一个丼饭，我就叫咗个三色海鲜丼，系有三文鱼子、海胆、同吞拿鱼蓉。佢嘅份量绝对唔细，而且海胆都好新鲜，食到佢嘅鲜味，再加上三文鱼子嘅份量都好多，每一啖都能够食到配菜。而我朋友就嗌咗一个双重三文鱼丼饭，三文鱼都好新鲜，而且佢嘅丼饭唔会过酸或者冇味。除此之外，我哋仲嗌咗个油甘鱼刺身，都系非常新鲜，而且好厚切。除咗刺身类之外，我哋仲嗌咗好多小食，分别系炸蚝、鲭鱼同茄子依啲小食都系新鲜整好，所以上到嚟热辣辣。鲭鱼份量好多，而且个皮烤得好香。而炸蚝就正正常常，都有佢嘅鲜味。茄子方面，面头加咗好多蒜蓉，超级香口。