Diletto (已結業)

由於Book左枱，所以入到去好快有位，建議去之前要預約，因為booking 都好full！一黎到先叫支sparking water，再一邊睇下食咩，因為第一次黎，都係試下d熱門菜。叫左個蘑菇湯，味道好濃郁，而且好creamy 真材實料，落足本既蘑菇蓉，飲到我地都Order 一人一碗！餐前麵包係我覺得一餐中最重要既開頭，因為係一餐既開始，所我對呢個好有要求。結果令我好滿意，麵包暖又淋，有唔同既麥子係裡面好香，食落有少少甜，Good!見好多人話要試卡邦尼，一於試下！奶油味好香濃，有幾隻新鮮蜆肉同半熟蛋，同平時食開既感覺好唔同，真係感覺到廚師既用心。呢個海鮮薄餅又係勁有份量，每一片都有齊料，海鮮好新用其我呢個芝士控，一見到咁多芝士鋪面，簡直大愛，薄餅好juice，每一次拎一片都見好多拉絲，連平時唔多好薄餅既老公都讚不絕口！由於兩碟食物都好有份量同高質，食完已經好飽，最後叫埋個甜品，外貌非常精緻，濃濃既冧酒味配上黑朱古力，帶點回甘既味道，同時為這餐畫上完美既句號。