山

营业中

休息中

💁‍♂️ 7/4/2023(Fri), Lunch🍽

今日A先生带住二奶，一个人去到铜锣湾耀华街既食厦The Zing!楼上既Omakase餐厅「山」食lunch。餐厅以食Omakase为主，午市都有供应。不过今日A先生就无点到Omakase，而系点咗午市既12贯寿司🍣加一卷物。

餐厅既装修简洁，用上木🪵系既装饰，加上一排开扬既窗，令到整间餐厅都光猛明亮。墙上既画、装饰、竹既餐垫、筷子座、甚至咕臣都有山既元素。

2 浏览

服务都好体贴，刚坐下待应就奉上热茶；点餐时又会问你有咩食物唔食；又会介绍返茶碗蒸、甜品等既制法同食材（当然寿司就由返师傅亲自介绍啦），最后重提议可以去露天位置睇睇个马场景。

都系讲返食物先，而今日A先生order咗：

🔆 寿司盛り合わせ12贯+1巻物（$728）

🔆 茶碗蒸

呢度既茶碗蒸系有三层，分别系最底层既大和山芋蓉，中间系蛋同埋银杏、冬菇🍄同鸣门卷🍥，最面头就系一个蟹🦀️芡加少少三文鱼子。食既时候一匙羹🥄𢳂到落底，就可以食晒三层唔同既食材，有蟹🦀️芡既鲜味同蟹肉丝；加上中间既滑蛋🥚同蛋香；再配合底层既山芋蓉黏黏滑滑既质感，每层都恰如其分，没有抢到其他食材的味道，就系入口清得来又够鲜味。

🔆 沙律🥗

沙律🥗菜新鲜爽脆，配日式酱汁酸酸地十分开胃，正好迎接12贯寿司🍣。

🔆 食完茶碗蒸同沙律，师傅会开始喺你面前用佢纯熟既手法去手握寿司🍣，握出嚟既寿司不松散不死实，而且呢度既寿司用上赤醋饭，食落酸味温和一d，仲会就住你既进度逐件逐件咁上。基本上师傅已经为每件寿司用上合适既调味，配合唔同既食材，所以A先生都无点过枱面既豉油。

呢个寿司盛既12件寿司🍣分别系：

1 浏览

（1）真鲷

用上辣萝卜蓉作调味，带出真鲷既鱼味。

（2）日本间八

即系野生既章红鱼，用上紫菜同芝麻调味，紫菜及芝麻既香气加上偏爽既鱼肉，味道很配合。

（3）深海池鱼

深海池鱼比一般池鱼既鱼味同油份重d，用上柚子胡椒同豉油调味，入口感受到鱼肉比较细致油滑，鱼味鲜得来又浓。

1 浏览

（4）北海道甜虾🦐

虾味鲜甜，用上豉油及本身既虾膏作调味，食来虾味更加浓郁。

（5）北海道帆立贝

帆立贝够厚肉，配上青柠豉油以及柚子皮，入口清新爽口。

（6）𫚕鱼

即系野生油甘鱼，鱼味同油份都比普通既油甘鱼重，师傅既做法系喺鱼肉上再放用少少用上鱼腩同京葱切碎既蓉，所以入口有鱼肉既浓味，又有鱼腩既鱼油香。

（7）鲛鲽

又称沙鲽，师傅喺鱼肉上面放上一小件用酱油渍过及烧过既裙边，再配上自家制梅酱同紫苏叶。裙边既油香味浓渍过及烧过很更加香口，而梅酱同紫苏叶就正好中和返油腻感。

（8）地金目鲷

比起金目鲷更加矜贵，配上日本芽葱，火炙过之后鱼皮香口好食。

（9）银雪鱼BB

来自北海道既深海，经过酱油渍过之后再烧，入口鱼味重又滑，而烧过之后更添香气。

（10）鲭鱼

夹住青瓜丝、黄瓜丝及紫苏叶，再放上紫菜面送上，食落紫菜香脆，鲭鱼既鱼味浓而青瓜丝、黄瓜丝及紫苏叶就带出返清新爽口既感觉。

（11）北海道浜中小川马粪海胆

海胆颜色金黄，入口幼滑而海胆味浓，即使已经吞咗落肚，但浓浓海胆味仍在口腔不断徘徊。

（12）中拖罗

师傅表示呢件中拖罗系熟成咗大约9日，经过熟成之后鱼味更浓郁，即使系中拖罗，但入口依然油份充足，配上紫蒜酱油及萝卜蓉，鱼肉软滑好食。

🔆 葱拖罗手卷
吞拿鱼蓉鱼香同油脂香都足够，加上葱既香味同埋紫菜既香脆，正好为呢一餐午饭作结。

🔆 面豉汤
餐厅用上三种唔同既面豉嚟煮呢碗面豉汤，面豉味香浓而唔会过咸。