赤

营业中

休息中

星期日同朋友去铜锣湾买圣诞礼物，行到有啲攰就去咗一间日式居酒屋食午餐。我哋每人各自叫咗一个午餐定食，再加多一个小食。午餐定食包括椰菜丝沙律、茶碗蒸、渍物以及面豉汤。脆脆嘅椰菜丝配胡麻酱以及柚子油醋，十分开胃。传统嘅蒸蛋滑嫩，蛋香浓郁。渍物嘅酸味提升左整餐嘅日式风味。面豉汤亦非常浓郁。吉列猪扒配稻庭乌冬定食吉列猪扒外层炸得金黄香脆，咬落去口感更系外脆内软。稻庭乌冬质地滑顺，清爽可口，正好中和左猪扒嘅油腻感。牛肉寿喜烧锅定食锅中有各种新鲜蔬菜，包括娃娃菜、冬菇、萝卜、豆腐、金菇菜等等，牛肉沾著甜甜嘅酱汁，配埋饭食一流。烧原只鱿鱼筒鱿鱼筒份量相当惊人，外皮微焦，质感爽口弹牙，搭配柠檬汁，味道鲜美，烧烤香气令我忍不住一口接一口食。日式居酒屋环境宁静，适合同朋友聚会谈心，而且价钱合理。