麵館皇

营业中

休息中

某日晚上自己一个行开铜锣湾，肚饿想揾啲嘢食，唔觉唔觉行咗去登龙街。近年登龙街新大厦落成，新食肆频繁开张，日本拉面店都有5间。本来想去是旦一间食，但系间间都有人排队，最近又洗大咗，咁啱见到有间中国面，而且系药膳窝，咁就行咗入去了。口水鸡系我至爱，我仲加咗钱要刀削面和豆浆。汤底很香，中药味刚刚好不太重；面质也很不错，刀削面的薄边吸收了汤汁，中心部分弹牙有微微咬口；鸡肉嫩滑，口水汁不会太油，辣度亦刚刚好。讲真自己去亲𠮶条街都系食日本拉面，今次如果唔系肚饿唔会特登入去呢度食，都算系有惊喜。呢间屹立喺几间日本拉面中间嘅中国面，令我回想起潮流底下好多有意思嘅旧事物都会被忽视，最后被淘汰。大家去登龙街都可以试下唔好净系排队食拉面，食呢间其实都唔错。