點心到 MIX·大排檔

营业中

休息中

圣诞假期食咗几餐西餐，我同老公都想食番晚中菜，去到旺角俾佢门口既相吸引了入去。名系大排挡，不过环境干净又光猛，简单点左了款小菜加个炒饭。冰镇咕噜肉呢样系出面见到幅相已经觉得几特别，想试吓，虽然底下系有冰，不过食落唔会冻，反而保持了肉嘅脆皮嘅香脆，入面热辣辣，而且d肉质可能因为冰既原因，食落好爽口，个咕噜肉甜酸味适中。豆豉鲮鱼炒时蔬老公话佢未结婚之前常食，虽然材料唔系咩贵价野，不过呢度炒得几香，菜用了油墨菜，d菜好嫩加埋炒得啱啱好，豆豉鲮鱼夹埋一齐用黎送饭，冇得顶。大肚婆炒饭 $82 其实基本上系杨州炒饭，足料，大量虾，叉烧，带子粒，不过加左d姜粒，食落少少辣，炒得几有镬气，味道唔错，原来姜对大肚婆有益，加上唔油，所以可能真系啱大肚婆食。