S2 Kitchen (已搬遷) 新店位置

今日难得过开中环, 打算系附近揾d好野食, 碰碰撞撞黎到呢间s2 kitchen。店位置不多, 但装修让人感到好舒适~而这店主打特色自创日本菜。食得日本菜多, 都想黎一d新鲜感!打头阵先到既系海胆牛油果带子沙律!每样配料都系我仲意既食材, 估唔到配起上黎咁夹!之前眼前一亮, 黎左一碟非常吸晴既刺身!而油甘鱼既鲜味令我极之深刻, 好似好耐无系香港食到咁新鲜既油甘鱼!因为一般店去货不太快! 推荐大家要食!接住上既系清酒鲍鱼鸡翼。两样咁无相关性既食物竟然可以煮成一味有趣而好食既菜式, 实在难得!鸡翼去左骨, 而鲍鱼系鸡翼入面!我到宜家都谂唔通系点样放入去???特色火焰卷!当中有带子同海胆~系火焰之下, 其实几有情调~三文鱼夹饼创作寿司~喜欢三文鱼既朋友一定中意呢一款寿司。寿司中间系三文鱼肉粒, 而两边我估计系烤左既腐皮。新颖而且几配搭!日本菜当然仲有海胆烧蚝!呢一味我认为又系必需要食!蚝香加上海胆蟹子在上, 邪恶之作品!有心经营既餐厅, 绝对值得捧场!