癡膠雞 (軒尼詩道)

营业中

休息中

咁啱系湾仔区附近做嘢，湾仔区物价比较高，食物又多热气嘢，真系唔知食咩好。系差唔多搭巴士走嘅时候见到呢间痴胶鸡，个名几gag就谂住去试吓啦。入面个装修唔算豪华，但系个粉笔壁画又几有心思。不过去食嘢个嘢食都先系重点。咁我地就叫咗个招牌痴花胶鸡浓汤米线同椰子鸡米线。个花胶鸡汤底好重鸡味，啲花胶爽软得嚟弹牙又唔痴口，啲米线又挂到汤。而个椰子鸡米线就好香椰子味，未食已经闻到好香嘅椰子味，个汤亦充满鸡油香。个鸡肉亦都好软滑，咬落去啲鸡味爆晒出嚟，非常之吸引，系其他地方好难食到咁高质有油香味又有鸡味嘅鸡肉！饮品跟餐我地就叫咗个蜜桃乌龙冷泡茶同桂花乌龙冷泡茶，个茶底味好香，回甘味出，但又唔会浓同苦。桂花味亦都非常清香。呢间痴胶鸡系湾仔区算系一间比较冇咁heavy嘅选择！