Vie Won Won (已結業)

happy friday拣咗呢间迷离大宅入去探下险。入到去成个拍MV嘅场境咁，楼底特高而且处处都系影相位。店内集合各种style嘅旧物（超钟意我地枱上个迷你颂钵）无厘头得嚟亦创造出一种独一无二嘅vibe，相信有日光之时到访会有另一番风味。𖦹 卤水香煎鹅肝芝士炖饭 $168fusion惊喜之作，将中式卤水嘅神韵完美地融入risotto中，配上煎得恰到好处、入口即化嘅鹅肝，仲有块叶型嘅脆芝士，值得一试！ 𖦹 虾沾面 $188与其话系沾面，佢更似捞手工意粉，面条粗身偏硬，甚具嚼劲而且挂满浓郁嘅龙虾汁，兼带杂菌嘅香气。牛油烤开边龙虾尾卖相吸睛，啖啖都系肉。𖦹 迷幻蘑菇 $98烟熏味强劲，烟雾弥漫，的确迷幻。蘑菇嘅上层系有隐藏辣味嘅士多啤梨雪葩、下层系有朱古力夹心嘅芒果雪葩，味道酸酸甜甜，质感似食紧雪糕月饼，得意搞鬼。𖦹 the taste of life $98人生是甚么？（我今晚不知道㖞）饮落似五青汁梳打 — 以Gin、苦瓜、苹果、青柠与蜜糖调制，一杯呈现人生五味杂陈嘅cocktail。𖦹 西芹柠檬青苹果梳打 $48清新开胃，系健康嘅味道。