正潮樓

营业中

休息中

之前去过湾仔店食过晚饭，老公觉得几好食。从朋口友得知原来铜锣湾开左分店，所以就黎食返餐先。餐厅宽敞光猛，有几个房间，一家人或朋友私人聚会包房都几好。餐牌选择有好多，可散叫或叫套餐。之前在湾仔就散叫，今次就食套餐吧。而套餐都几丰富，都系鲍参翅肚，另外就因应人数再点自选菜式。前菜：有花生同咸菜，咸咸地，热身一下。红烧鱼翅：鱼翅份量多，啖啖都食到翅。翅用左上汤去煮，味道好浓。锅下仲有个火炉，一路食一路keep住热，唔错。厚菇炆海参：冬菇厚肉，有口感。海参大块，炆得够淋。冬菇海参同样炆得入味，充满鲍汁味道，好好味。卤水拼盘：卖相吸引，有猪红、卤肉、鸭肉同豆腐。卤水味道浓，整体唔太咸。汕头煎蚝烙：煎得够金黄，蚝仔大小适中，蛋味唔会太浓盖左蚝仔味道，口感湿润，香口但又唔觉得热气。脆皮九肚鱼：刚炸起，好热。炸粉薄薄，外皮脆口，内里软软。