泰海鮮 (已結業)

每次到三圣食海鲜一定会先去街市拣海鲜。但今次玩到谢晒皮既我地决定做一次癈人，直接系餐厅叫𩠌。意外地有惊喜，海鲜有街市自己买既质素，胜价比高，重点系方便快捷。炸带子 – 呢个似餐前小食，其实我好怕带子一煮耐少少就好un，所以今次另我对带子有新睇法，师傅炸得啱啱好，做都内里嫩滑。豉油皇中虾 – 似系花竹虾, 大大只啖啖肉, 肉质爽嫩，味道啱啱好，唔会咸。砵酒焗桶蚝 – 又系大大只，外层有口感，内里又劲juice，但绝对唔系一层生粉包着，赞!豉椒蛏子皇米粉底 – 系我今餐最爱，蛏子皇超大只，惹味鲜甜，炒得啱啱好，爽脆唔会un。青山湾焗龙虾 – 一人半只, 但都大过我只大掌，面层有香口既芝士，重保持内里的温度，热焫焫，啖啖肉，内质厚实鲜甜。避风塘炒肉蟹 – 又系超级惹味，明显师傅落足料，炒得好干身入晒味，只蟹又系大大只劲新鲜厚内，重有少少膏。不过有小小辣，食唔到辣既要留意，但我就好钟意。海鲜汤 – 每次食海鲜都一定会加，系屋企好少会有咁够料去煲餐汤，鲜又甜正。