鰻工房

营业中

休息中

小店位于尖沙咀赫德道，舖面唔算好大，但胜在够晒企理，店内装潢简洁又带少少和风，坐得都几舒服。餐牌上全部都系鳗鱼，我地叫左沙罗鳗蛇丼同三重鳗鱼丼。沙罗鳗蛇丼:呢个丼咁出名我地又点可以唔叫呢？上菜时我地真系哗咗一声！ 条鳗鱼超巨型，有成只手臂咁长，铺满成个饭盒之余仲延伸到隔离只碟度，完全遮盖著啲饭，真系打卡一流。鳗鱼表面烤得好靓，散发出阵弹香味，挟起时就感受到佢几厚身，食落去好香口，啖啖肉，油脂分布平均，一啲都唔鞋，仲好滑溜添！ 味道方而，甜甜地嘅烧汁中和咗鳗鱼本身嘅油腻感，配埋有玉子烧、紫菜丝同毛豆嘅丼饭一齐食，口感劲有层次，简直系完美嘅配搭！ 三重鳗鱼丼：三重鳗鱼丼用六角彩碗盛载，三款鳗鱼分别系蒲烧、生烧同穴子鳗鱼。蒲烧鳗鱼酱汁甜美，生烧鳗鱼肉质又肥又饱满，穴子鳗鱼肉质嫩滑。丼饭加$18 可配餐，有温泉蛋，鳗鱼肝白贝汤及饮品。温泉蛋口感滑溜，加入饭食真系好开胃，食完浓味嘅鳗鱼饭后，饮返碗既足料又鲜甜嘅鳗鱼肝白贝汤，真系非常满足。值得一提系，个丼食净三分一时，可以请店员佢地加入特制昆布高汤，再加入紫菜丝同芝麻去自制茶渍饭，真系有另一番风味。