樓下冰室

营业中

休息中

冰室就喺鲗鱼涌地铁站出口对面，位于一座旧楼嘅地铺，净系睇街景都充满时代感。餐厅地面铺上绿白格仔地砖，里面有霓虹灯装饰同好多旧式招牌，好有60年代今宵大厦时代嘅情怀。餐厅以番茄浓汤同瑞士汁系列食物为主打，而且好多唔同款嘅套餐，真系令人花多眼乱呀。招牌瑞士鸡髀瑞士汁好浓稠，有好香嘅八角同桂皮味道。鸡髀大大只，d汁渗入晒鸡皮同鸡肉，肉质嫩滑，不愧系招牌菜色!招牌瑞士鸡翼瑞士鸡翼d肉会再嫩d,但我就比较钟意鸡髀可以大啖食嘅感觉。楼下三宝饭有瑞士鸡翼、厚切叉烧同煎蛋。叉烧望落晶莹剔透，肥瘦之中，肉质几稔，但可以再入味d。姜葱几多，但上桌时豉油比较少。问餐厅姐姐另外攞左一碗甜豉油，系热辣辣出烟的，倒埋入去就够晒味。鲜牛肉猪润番茄浓汤通粉番茄汤底真系好足料，好多鲜番茄粒，而且通粉好挂汤。鲜牛肉正常水准，牛乳炒蛋都几滑。红豆冰、冻柠茶来到冰室点少得红豆冰，红豆份量多而且唔太甜，唔错。