船渦

营业中

休息中

梅超风同陈玄风夫妇系射雕英雄传入面系数一数二既坏人，可以话系横行无忌，要消灭佢地，我有计，就系食个套餐。横行无忌餐包括一公一乸大闸蟹，都有镭射标签，证明系来自太湖。不幸嘅系，无论系蟹膏比较结实但系香口嘅乸，定系膏相对林滑丰富又creamy嘅公，都俾我消灭殆尽。望住鲜橙色同埋金黄色嘅蟹膏，我又点忍心唔主持正义，去处理咗佢哋呢？其实呢度系主打粥底蒸气海鲜锅既餐厅。套餐个名好搞鬼，但事实非常实际，做法健康，材料新鲜，令人回味。 🍖 唔同嘅海鲜，分开去蒸，佢哋都俾确实既建议嘅时间，务求喺最好嘅时间整好，带出最佳嘅鲜味。唔同平时打边炉，是但放，捞下捞下先记得，变成老晒，于是是但食左。岩时间即食既海鲜，尤其贝类，元贝鲍鱼蛏子呀咁，会变得胀卜卜，Q弹Q弹，咁先可以发挥材料既极意味道。 🍖其实除咗横行无忌，我哋又叫咗九品芝麻套餐，材料少啲，但系都非常丰盛。仲要讲埋两个餐其实除咗海鲜之外，又有肉类，丸类同蔬菜，仲有前菜同埋炸物，加埋甜品，估唔到九品芝麻，都有咁大嘅官威！ 🍖所有嘅海鲜精华所在就系佢哋嘅汁，全部滴到去窝底，食到最后叫店员帮手，系呢啲精华之上加上粥底，𠮶种鲜甜，足以令你系以为食海鲜食到好饱嘅