鳥海山鐵板燒 (已搬遷) 新店位置

呢几年都食多左铁板烧,好多都好好,呢间好有惊喜。性价比好,有好多野食。首先食左个前菜,芝麻酱好开胃。跟著食刺身,非常新鲜,有omakase既水平。活龙虾--2人份量,劲大只,好juicy,bouncy,用左龙虾汁去炒佢,超入味。我同朋友食到wow wow声!活鲍鱼--睇得出好生猛,食落亦非常弹牙,同埋洗得好干净。鹅肝多士,煮法同平时食开既有d唔同,更加绵滑,多士有好香既牛油味。牛肉薄烧--大概7成熟,食到牛味,唔老,葱花好香。野菜--系炒椰菜,好好食,好香。炒饭炒到一粒粒,仲有樱花虾,再提升左个味道既层次呀!Miso soup,系今晚既好总结,饮到暖粒粒。最后甜品系绿茶雪米糍,糯米皮烟韧,绿茶味又系我至爱。大推呢间店,因为每一碟都好赏心悦目,好好食,有诚意之作。