影片
更多
2022-07-11
118 浏览
完全冇谂过中环有一间转系为鸡而设嘅阿妈家姐厨师发板，全间店都系用上宫崎县黑撒摩走地鸡，食落去嘅时候都感受到鸡肉嫩口嘅感觉，同一般嘅鸡好唔同。暂时呢度仲未有酒牌可以自己带走嚟饮，准时8:30开餐，无谂过全间店都预约到爆棚，师傅一次过为16客人预备食材，非常有水准！先饮咗个柚子鱼糕走地鸡汤，加左粒特大鸡球，份量适中，感觉好补身而且系无添加熬出嚟特别甜特别好饮！仲有大量串烧，全部用日本备长炭烧出嚟，先嚟有鸡大胸同大葱，加上少少七味粉同淮盐，放喺枱前面俾你自由添加。鸡胸肉乌玄子，鸡系半熟状态，加上紫苏花瓣，摆盘十分精美，好似食紧白身鱼刺身。师傅仲帮我包左个鸡柳鱼子手卷，紫菜、鱼子同鸡柳完美融合在一起，加埋少少芥茉，口感不错。除此之外呢度仲有好多特色嘅鸡部份喺出边未食过，有鸡颈鸡肾等。最有印象系慢煮鸡冠蟹肉羹，鸡冠经过特别烹制变得特别腍身，再加埋蟹肉，淡淡汤芡都非常有鲜味，一级棒！另外鸡肝饼我都好钟意食，个感觉好似食紧牛油咁滑，好似夹心饼咁食，感觉几特别。唔一定系鸡，仲有好多唔同款式嘅食物，日本味噌芝麻艾草面根同柚子雪芭，可以为口腔清清味道。最后师傅仲炮制出鸡翼、鸡腿肉、鸡肉拉面同黑松露饭，全部
暂时呢度仲未有酒牌可以自己带走嚟饮，准时8:30开餐，无谂过全间店都预约到爆棚，师傅一次过为16客人预备食材，非常有水准！
先饮咗个柚子鱼糕走地鸡汤，加左粒特大鸡球，份量适中，感觉好补身而且系无添加熬出嚟特别甜特别好饮！
仲有大量串烧，全部用日本备长炭烧出嚟，
先嚟有鸡大胸同大葱，加上少少七味粉同淮盐，放喺枱前面俾你自由添加。鸡胸肉乌玄子，鸡系半熟状态，加上紫苏花瓣，摆盘十分精美，好似食紧白身鱼刺身。
师傅仲帮我包左个鸡柳鱼子手卷，
紫菜、鱼子同鸡柳完美融合在一起，加埋少少芥茉，口感不错。除此之外呢度仲有好多特色嘅鸡部份喺出边未食过，有鸡颈鸡肾
等。最有印象系慢煮鸡冠蟹肉羹，
鸡冠经过特别烹制变得特别腍身，再加埋蟹肉，淡淡汤芡都非常有鲜味，一级棒！另外鸡肝饼我都好钟意食，个感觉好似食紧牛油咁滑，好似夹心饼咁食，感觉几特别。
唔一定系鸡，仲有好多唔同款式嘅食物，日本味噌芝麻艾草面根
同柚子雪芭，可以为口腔清清味道。最后师傅仲炮制出鸡翼、鸡腿肉、
鸡肉拉面同黑松露饭，全部款式都别出心裁值得一赞！
最后个甜品居然都系同鸡有关，炖蛋威士忌雪糕，真系为呢餐丰富嘅盛宴画上一个大大嘅感叹号！
张贴
