蘇山雞飯

营业中

休息中

又系屋企附近揾食，今次拣咗星马菜，环境亲民而且性价比极高。一住低就急不及待叫左一枱食物，逐样慢慢食。🖤丰盛海南鸡饭，足足有半只鸡，一上台就俾鸡皮嘅黄油光泽同嫩滑嘅鸡肉吸引，配埋3款酱汁，秘制辣酱、姜蓉、黑酱油，其中黑酱油最鲜甜挂汁。最最最重要系鸡饭嘅灵魂，油饭。佢俾坊间嘅油饭色泽暗沈深色，原来店员话煮鸡时，加入日本花菇、元贝同多种香料调味，当然吾少得加入鸡油、斑兰汁，另个饭多咗重独特香气。🩶火焰酱香椰子鸡窝，一上台，就倒上一shot白酒系瓦煲边，再点上火枪，令整个椰子鸡煲带有淡淡酒香，再用热力慢慢渗入煲内。鸡肉肉质爽口弹牙，汤底清甜顺滑。🤍叉烧香辣虾面，用咗极厚初黑豚肉叉烧，配上虾汤同油面，非常南洋风味，辣度恰到好处，叉烧肉质软淋入味。🖤沙嗲串烧6枝，都系$54蚊，又系高cp之选。