Wingman (閣麟街)

营业中

休息中

男朋友同我都好钟意食鸡翼，呢间真系我哋成日都返兜嘅餐厅。之前一直冇试过食放题嘅，只系单叫，临近圣诞个人呢就特别开心，所以呢我哋都拣咗食放题感觉更加爽。我哋拣咗10只味𠮶个放题啊，甘啱有只味呢就冇咗咁就转左一个叫做新加坡辣蟹味，极之幸运啦因为我哋就系想食呢只味！巴马臣芝士蒜蓉味一睇就知系新鲜刨嘅芝士，蒜蓉系新鲜个种，所以呢会有一啲微辣嘅感觉。泰式甜辣酱呢只味一向都系我头几位，甜甜地嘅酱配上干蒜非常香，可以一只接一只吃唔停！新加坡辣蟹味对于唔食辣嘅人呢佢都算几辣嘅，不过呢就唔可以同呢度嘅死神酱比啦当然。水牛城酱次次黎都会叫，如果配埋blue cheese 酱仲正田园风味听讲用酸忌廉同洋葱腌，几香几惹味黑芝麻海鲜蜂蜜呢个就似某只香港牌嘅海鲜酱， 个人就本身对个只酱一般，不过男朋友就话唔错，甜甜地咁。纽奥良香粉纽奥良鸡翼用左唔少香料腌制，红椒粉、大蒜粉、洋葱粉、黑胡椒、小茴香粉、辣椒粉、奥勒冈同百里香等等，出面好少有得食，味道好有层次。野饮都系free flow, 叫左柠檬茶，个茶底都几香浓，虽然话任饮但都唔马虎。