十三姨 (白加士街)

营业中

休息中

之前见朋友食过一直好想试，但闻说好多人等位所以一直无去试。终于等到开分店，呢间新开暂时唔需要等好耐，去到刚好有位。叫左老板娘鹅肝煎蛋饭，坐低就首先送上茶同印尼虾片，值得一提杯茶系独立茶包冲，都几香同有诚意。然后等一阵已经送上鹅肝饭，职员提我地可以加上秘制汁捞饭。三件鹅肝都算大块同几香，仲有大大只流心蛋，蛋汁可以捞饭，加埋旁边配料捞饭几香，但有少少辣。三件鹅肝令碗饭性价比提升不少，同埋好饱肚。总体来说，系几特别同值得再食。另外值得赞系服务态度好，照顾客人需要！