影片
更多
2005-06-06
21 浏览
前一晚见有食评赞此店，心思思之下今日lunch 就一支公走黎整碟卤水饭叹叹。店内都尚算多人，不过一条友有样好，就系等位唔驶等多过两分钟。坐低速速点了卤鹅鹅肝饭($25)加例汤($5)，环顾四周，人客系几多，但系地方系意料之外既干净，员工们亦系意料之外有礼貌，感觉良好。例汤系黑胡椒咸菜猪肚汤，系我食咁耐碟头饭而来做得最不马虎的了。汤最先要的够热佢做到了，黑胡椒汤辣味几足，加上咸菜猪肚瘦肉煮成既汤十分够味，单单就价钱来计就系几饱都要饮番碗。碟头饭不论料跟白饭都唔惹少，卤鹅十分入味，而咁岩食正无骨的，啖啖肉过足口瘾；鹅肝没想像既黑妈妈，卤水味较轻清，正好唔会抢去浓浓既鹅肝味，衬饭一流，美中不足既系切得太薄身，唔够口感。十分钟极速处决掉整碟饭，饮埋汤食埋汤料饱到上心口才$30，埋单时己经盘算定下次再黎点咩食了。
店内都尚算多人，不过一条友有样好，就系等位唔驶等多过两分钟。
坐低速速点了卤鹅鹅肝饭($25)加例汤($5)，环顾四周，人客系几多，但系地方系意料之外既干净，员工们亦系意料之外有礼貌，感觉良好。
例汤系黑胡椒咸菜猪肚汤，系我食咁耐碟头饭而来做得最不马虎的了。汤最先要的够热佢做到了，黑胡椒汤辣味几足，加上咸菜猪肚瘦肉煮成既汤十分够味，单单就价钱来计就系几饱都要饮番碗。碟头饭不论料跟白饭都唔惹少，卤鹅十分入味，而咁岩食正无骨的，啖啖肉过足口瘾；鹅肝没想像既黑妈妈，卤水味较轻清，正好唔会抢去浓浓既鹅肝味，衬饭一流，美中不足既系切得太薄身，唔够口感。
十分钟极速处决掉整碟饭，饮埋汤食埋汤料饱到上心口才$30，埋单时己经盘算定下次再黎点咩食了。
张贴