麵家山下 (已結業)

一早就听讲面家山嘅拉面唔错，老板娘系日本人，而且系日本拜师学艺做拉面，所以拉面做得好正宗，虽然远，但为左美食再远都想去试下，标准嘅听吃货，哈哈哈。。。咁出名嘅一间店，我仲以为好大间，但先得十个位置，可能店细名气大，我点左个最贵嘅DX拉面，呢间店总店系上水，可能近期生意火爆，所以要开多间分店。汤底我点左个黑蒜，因为我钟意食蒜点，觉得蒜香味好好食，因为去得比较早，所以无咩人，迟左就要等位喇。如果唔点DX拉面就系$65,加多十蚊就多左两只味附蛋，好抵食，好多拉面店一只蛋就要卖十几港币喇。上菜好快，黑蒜口味就系用黑蒜做油，做好面后淋上去，好香嘅黑蒜味，一碗面叉烧得几件，但做得比较用心，两边表面都有烧过，烧过后口感特别值得一赞，入口即溶，但又好有肉质感，肥瘦比例适中，一D都唔觉得油腻，拉面品质都好OK，唔硬又唔软，好有弹性，几十蚊食碗咁料足嘅面，都算抵食，食完出嚟外边已经排长队喇。