麵.睦月 (已結業)

日式鲣鱼吉列猪扒瀑布阔面: 整个餐有前菜三款+主食+面豉汤一碗+饮品。前菜好精巧简单, 但非常开胃。面豉汤普普通通。吉列猪排嘅炸衣薄身, 好热好脆, 咬一啖清脆而落, 皮无散, 即系油够热！肉质中规中矩, 都松软, 但唔系猪味浓果啲。瀑布阔面香港少有, 所以黎到都突登食！有大概三只手指嘅阔度, 烟烟韧靭, 几弹牙, 好滑身, 滑到有啲难夹起。虽然唔系好多条, 但唔知系唔系因为太大条, 要不断咬, 感觉有啲多有啲漏。鲣鱼汤汤底, 清澈有鲜味, 几啱日式面, 好饮过面豉汤。💰 HKD 68✨ 铺头唔算好大, 但系日式设计, 以木系为主色调, 再加上猫猫嘅装饰。虽然我唔中意猫猫, 但日本风, 都带给我有家的感觉。