麻甩爐海鮮雞煲私房菜 (銀座廣場)

营业中

休息中

天气转凉又系时候食火锅，餐厅主打和牛海鲜鸡煲，除咗有招牌嘅麻甩鸡煲口味之外，亦有药膳花雕醉鸡、养生虫草花、特浓花胶，款式多样化，食完仲可以打边炉，任饮任食三小时，适合约三五知己过嚟撑枱脚😋一坐低店员会送上时令刺身拼盘，另外有冻蟹、翡翠螺同炸物拼盘，刺身鲜甜肥美，比得上出面嘅寿司店、冻蟹卖相一流，肉算多，餐厅会提供剪刀同手套方便客人食用，十分贴心、翡翠螺够惹味、最值得一赞系啲炸物，小丸子真心高质，馅料满满，仲有番薯饼、芝士年糕、炸虾，可以用QR code任点任食，正呀😍之后到招牌嘅麻甩鸡煲，辣度小中大，鸡块大大件，啖啖肉，以芫荽、八角、辣椒、洋葱、薯仔等炒成，香气浓郁，咸辣度啱啱好，绝对值得一试！食完鸡煲就可以打边炉，要咗特浓鲜茄猪骨牛尾锅，有三大块牛尾，煮至软身，牛味突出，配上番茄感觉更加开胃🤤肉同海鲜要自己落单，蔬菜、丸类、饮品同甜点就放咗喺自助区，牛肉几嫩，猪肉正常发挥，必点之选有海虾，上嚟嘅时候仲郁郁吓，超级生猛，食落爽口弹牙、出面嘅炸鱼皮反而有惊喜，薄身又脆，越食越过瘾、甜品仲有超好食嘅老虎堂芝士流心雪条，好饱好饱🔥