鬼金棒

营业中

休息中

呢日终于同朋友黎到尖沙咀潮圣～ 入到黎见到样样野都红卜卜，真系吓到鬼死！ 呢度主打死神地狱级麻辣拉面，周围挂满日本恶鬼，好彩！原来都可以拣唔辣、小辣、太辣、鬼辣🔥🥢特制麻辣味噌拉面拣咗个小辣，个特制麻油香味浓厚。而最特别系件厚切叉烧！唔系一般叉烧，厚到好似东坡肉咁！ 冇谂过食到咁肥厚又淋身。麻辣味再配埋味噌，令到个汤底超浓香一食上瘾！🥢芫荽麻辣味噌拉面另一个拣咗中辣，朋友觉得有啲料到！辣味慢慢咁渗出黎，由个胃度暖到上头顶。劲惹味～ 而碗上面爆量芫荽，刺激得黎又重口味，好正好食。钟意芫荽必试🥢糖心蛋呢个值得分享～ 系红心嘅糖心蛋，蛋味非常浓郁，记得要加🥢煎饺新鲜脆口上碟～ 正常发挥～