臻味冰室豬扒酸辣米線

营业中

休息中

今日收工朋友去食米线，由于朋友系米线爱好者，所以喺附近揾一间比较有名嘅。咁一直都好想试吓呢间米线，尤其佢有三间分店感觉有质量嘅保证。去到餐厅格局也不错，有唔少卡位，环境尚算干净。点餐冇几耐下，5分钟左右就有嘢食，可能撞正系6:00啱啱收工嘅时间，餐厅入面客人唔系好多。点餐时候冇留意嘢饮系跟餐先平，我同朋友净叫米线加𩠌就冇呢个优惠咁一杯嘢饮差不多要$12冻饮再加一蚊，下次会睇清楚先点餐。食落其实系一碗麻辣米线，麻占九成，食唔出酸嘅味道。咁我系一个酸辣嘅爱好者就对麻辣就不太好，食到利都痺埋，所以如果唔系食得太辣嘅朋友就要再考虑一下。𩠌方面。猪扒分量有三块几多，而且味道不错。咁我朋友食清汤，佢嗌了云吞同萝卜都好入味。