炳記牛牛 (已結業)

上次想，但劲多学生,冇位！今次专登试下，唉...同太太俩个人，叫个牛柳粒烩意粉加冻奶茶、茶餐冻奶茶。冻奶茶先到，睇样好似几好，但饮落得个甜字，完全冇茶味。唔系茶餐厅，忍耐！牛柳粒烩意粉，牛柳粒系日式照烧汁，烩意粉系黑椒汁，撞埋一齐怪怪地。牛柳粒有韧，好彩味道都ok。意粉唔热，份量亦少得可怜。茶餐包括热狗或什菜沙律加扎肉米线，今次要热狗，因为对什菜沙律冇乜信心，可惜结果热狗都唔系太得。个包其实都ok，烟烟韧韧咁。但条肠系普通到痺o既鸡肉肠，味道麻麻。配沙律酱，又系麻麻地。片蕃茄又细又薄到睇唔到...扎肉米线配火腿汤，扎肉一般，米线冇味，靠火腿(味精？)汤。地方坐得唔舒服，服务麻麻地，仲要收加一服务费！？p.s. 可能焗饭先系佢o既强项，但冇理由其余野差成咁嘛？！深水步有太多选择！好难再啦！