一寿司 (已結業)

喺附近上完堂，同成班朋友一齐过嚟食黑夜寿司。十点半黎到，都唔算好多人，等咗15分钟左右就入得。几个人嘅我哋一坐低就不停叫，但系啲寿司嚟得好慢，大概等左15分钟先来第一碟。好彩都够份量，如果去你得个一两客我一定会发脾气，黑夜寿司唔算话质素好好，但系因为半价嘅关系真系好抵食，每个人嘅最低消费系＄90 ,我哋每次都会叫大量三文鱼，贪佢够抵食呀嘛。三文鱼唔算好厚，亦都唔系话相当新鲜，不过好在佢都够大件， 盖过饭面。特别提一提呢度嘅帆立贝寿司，我觉得几新鲜，帆立贝仲系冻冰冰嘅，而且唔会干晒水。另外个芝士蟹棒都几好食，都冇话讲晒身成条蟹柳咁。