大自然素食

营业中

休息中

相比起港式素食，我较爱西式既vegetarian/vegan food，因为我追求食菜既健康，多于食仿肉类既食品，口感、味道等一啲都唔似，何解要食假既肉而唔直接食天然又美味既蔬果呢？今日用餐体验俾我感觉麻麻，食物同卫生都一般。一坐低就见到张枱抹到好湿，店员用条好湿既布抹完无用番干布清洁。店员将前菜放落用黎洗碗既碗度，上到桌先拎番碟前菜出黎，咁唔卫生我接受唔到二人自选套餐 $238生煎菜肉饺子馅料菜肉都几好味，但饺子皮有啲硬。竹笙榆耳蛋白翅碗翅好足料，但无咩味道，需要自行加豉油调味。榆耳食落酸酸地，一般，入面仲有蛋白同素翅。金沙茄子大虾二人餐黎讲份量都几大碟，外层咸蛋黄香口又带点咸香，虾系似苟蒻既口感。杂锦火鸭粒炒饭饭炒得粒粒干爽，还不错。以下系单点食品原只木瓜蟹籽沙律 $14.8木瓜好甜，青瓜够新鲜，咬落爽口清新。香酥芋蓉石板鸭 $78虽然芋蓉系炸既但唔会吸晒啲油，又唔会太硬，几好食。咖哩羊腩杂菜农夫包 $98咖哩唔系几够辣，个包就干左啲，仿羊肉都有骚骚地既味。麦米粥 (附送糖水)糖水比较稀，麦米一粒粒烟烟韧韧好好咬口。