川府宴 (已結業)

近排想食川菜，友人带路去铜锣湾试下楼上餐厅。第一次试冰菜沙律，冰菜够晒冻，入口好冰凉爽脆啱晒夏天食。叫得沙律当然要淋下芝麻酱，酸酸地够开胃嘛。灯影鸭真系薄到透晒光，风干到半脆半韧，上面淋咗类似水煮鱼嘅辣汁，食落味道无咁寡。底下有啲炸芋头丝垫底，几脆口但无乜味。手撕鸡好大碟，但鸡肉比较少，有大量莴笋丝同炸芋头丝垫底。鸡肉有啲嚡，麻辣味几劲愈食愈辣。友人点咗鱼春卜唇煲，汤底类似水煮鱼嘅麻辣汤。本人唔太钟意食内脏，好在入面仲有莴笋片同阔薯粉，虽然唔多但都好过无。最后都试咗少少鱼春，个人觉得有啲腥，友人就很喜欢。除咗沙律外碟碟味道都够麻够辣，食到最尾食咩一样味，阵味好劲～😊