Jacomax

营业中

休息中

又系一间袋咗喺袋好耐都未试过嘅黄店，衬住冇条人龙嘅lunch hour试试佢！（呢期lunch hour啲cafe排到傻，决定反行其道，晚餐先去cafe好似比较化算）可能因为食午餐嘅关系，店员们都比较得闲所以不停咁秒速收盘，系好周到嘅但其实咁样会令客人食得有啲压力🥲Gorgonzola & apple pizza $178招牌菜，入到嚟基本上张张枱都见到佢。强烈推荐畀芝士爱好者，味蕾会有新冲击，所长觉得几新鲜，苹果啲甜平衡咗芝士嘅骚味，令到本身偏重口味嘅呢款芝士冇咁难入口。好处就系vegetarian都食得，唔好处就系唔爱芝士真心食唔落。同埋可能始终我哋唔系外国人，两个人要食晒成个Pizza其实都真系觉得有啲难，食到最尾一两块有啲滞。🤣Grilled black pepper wings 5 pcs $58又系重口味之作，因为个酱好好味，连唔食鸡皮嘅所长都破戒了。Tap beer $62/pintPizza一定要配返杯啤酒先系路，日光日白唔饮太多，同友人share。