金色不如帰

营业中

休息中

自从the southside开咗之后，喺黄竹坑返工嘅我食饭终于都多咗好多选择！一入门口就俾「金色不如帰」大大个招牌吸引住，餐厅系东京米芝莲一星推介，之前都有喺其他分店食过佢地嘅招牌贝汁拉面，印象唔错。今次黎到黄竹坑分店，店员推介我地食天妇罗盛合冷麦面，话系the southside新店限定，由创办人兼米芝莲星级总厨山本敦之先生亲自研发（题外话当日山本先生都到咗现场亲自督导，仲要煮埋俾你，咁难得冇理由唔试试佢）。个冷麦面set $126算几大份，仲包埋小食。小食有3款拣，我拣咗佢地自家制嘅豚肉煎饺，每只饺子都涨卜卜，食完5只都饱咗一半。天妇罗盛合就包括海老、牡蛎、秋葵同茄子。冷麦面跟咗两款酱汁俾你，有沾面汁同冷面汁，俾你可以有两款食法。沾面汁以慢火炖煮7小时嘅浓厚鸡汤同天然材料浸泡嘅鱼汤制作而成，酸酸地几开胃；而冷面汁就系清爽嘅冻昆布清汤，消暑一流。