影片
更多
2024-06-28
100 浏览
South Side 突然一日之间开左好多食店，先试下韩烧店 山洞食堂 。🐮最上等牛肋骨卖相太靓啦，厚厚嘅韩式牛肋骨卷，肥瘦适中，2面大火烧1分钟，外焦内嫩，又香口又有嚼口又有肉味，啖啖肉，正呀！ 🐮和牛肋眼上盖油花分布肉眼可见，超级吸引，轻轻烧下油脂已经溶化，松软嘅肉质加埋脂肪嘅油润，满口甘香，真系唔舍得吞，好在一碟有手5块😆🐷庆州黑毛猪五花肉无雪味，唔太厚好易熟👍🏻，加大酱用生菜夹住一齐食，又爽又好味。🐮🍚1++韩牛牛肉石锅饭生牛柳丝石锅饭，石锅热力可以将牛柳煮熟之余仲烘到饭焦添，脆卜卜👍🏻🦐🍚海鲜豆腐汤汤好香虾味，除左大虾之外仲有青口同蚬，豆腐滑萝白甜，比呢个睇落简单嘅汤惊艳到，如果再黎一定系因为呢个海鲜豆腐汤。🍇🥤提子梳打 & 荔枝梳打烧烤要配有气甜野饮，呢2杯正好，又唔会太甜。另外 韩式前菜加$40 无限refill,好抵，其中 海带 同 薯仔沙律 好出色👍🏻
🐮最上等牛肋骨
卖相太靓啦，厚厚嘅韩式牛肋骨卷，肥瘦适中，2面大火烧1分钟，外焦内嫩，又香口又有嚼口又有肉味，啖啖肉，正呀！
🐮和牛肋眼上盖
油花分布肉眼可见，超级吸引，轻轻烧下油脂已经溶化，松软嘅肉质加埋脂肪嘅油润，满口甘香，真系唔舍得吞，好在一碟有手5块😆
🐷庆州黑毛猪五花肉
无雪味，唔太厚好易熟👍🏻，加大酱用生菜夹住一齐食，又爽又好味。
🐮🍚1++韩牛牛肉石锅饭
生牛柳丝石锅饭，石锅热力可以将牛柳煮熟之余仲烘到饭焦添，脆卜卜👍🏻
🦐🍚海鲜豆腐汤
汤好香虾味，除左大虾之外仲有青口同蚬，豆腐滑萝白甜，比呢个睇落简单嘅汤惊艳到，如果再黎一定系因为呢个海鲜豆腐汤。
🍇🥤提子梳打 & 荔枝梳打
烧烤要配有气甜野饮，呢2杯正好，又唔会太甜。
另外 韩式前菜加$40 无限refill,好抵，其中 海带 同 薯仔沙律 好出色👍🏻
张贴
