山洞食堂

营业中

休息中

烧肉真系会食上瘾！今次嚟到黄竹坑嘅Southside，一于一试呢间韩式烧肉。 最上等牛肋骨牛肋骨肉鲜嫩，油脂丰富。骨边薄膜有筋道，香气逼人。店员仲提醒避免太韧，牛肋骨最好烧耐少少，咁就容易入口啦。 山洞和牛寿喜烧因为牛肉较薄片，所以呢个部份嘅牛肉就可以快啲上碟啦。和牛肉雪花分布平均，牛味都几浓。 庆州黑毛猪盛合配生菜有五花肉、猪梅肉、猪肠同猪皮，五花肉烧到脆口，好有焦香味道；店员帮手烧嘅猪皮啱啱好，唔会太腍溶晒。雪梨水冷面食咁多肉肉之后最啱就系食返个水冷面解下腻。雪梨汁甜甜酸酸，水冷面都几清爽，系夏天消暑佳品。海鲜豆腐汤 汤底鲜味、海鲜新鲜、豆腐嫩滑，而且海鲜数量都几多，用海鲜汤捞饭特别醒胃。