早安越南 (已結業)

越南菜酸酸甜甜，炸物够香口惹味，汤河够晒滑溜，间中谂起都想食返餐！最近小编揾到一间位于黄埔美食坊嘅越南餐厅－－，装潢别有格调，食物品质又高。齐齐跟住小编，体验下越食越滋味嘅感觉啦！餐厅装潢较为型格，用色以暗色调为主，配以抢眼黄色櫈，非常吸引视线。平时小编都几钟意食软壳蟹，钟意佢外皮松脆，连埋蟹肉蟹膏入口感觉饱满，唯一一个缺点系较易令人觉得腻。如果同小编一样钟意食软壳蟹但系怕腻怕滞，就一定要试下啦！米纸卷嘅外皮非常薄，入口完全唔黐咀，薄薄嘅米纸卷包住生菜，再包住炸过脆卜卜嘅软壳蟹；然后再配埋生菜、青瓜、红萝卜丝等等蔬菜，入口感觉非常清新而唔腻。小编身边好多大朋友都钟意食黄金虾，钟意意头好卖相好，入口又香口惹味。唯一最麻烦就系一食就好易爆Quota，既然决定要爆，梗系要爆得抵啲、食得好啲！大家可以试下，沾上咸蛋黄嘅中虾，入口好爽身带咸香，虾肉入味，卖相好金黄靓仔，即使系比家中长辈偷食一两只都好值得。无论去到边，身边都仲会有一个鸡翼控，鸡翼嘅魔力真系不容忽视！如果想食酥脆可口嘅风味，试试啦！炸浆唔厚身入口唔会过硬，加上蒜蓉粒粒，口感好丰富，入口除咗酥脆之外仲带少少蒜香惹味，难得嘅系仍然保持到